İtaliyada torpaq sürüşməsi nəticəsində bir nəfər ölüb

Bakı. Trend:

İtaliyanın İskya adasında torpaq sürüşməsi baş verib.

Trend “SKY TG24” telekanalına istinadən xəbər verir ki, bu
barədə şənbə günü Neoplun prefekti Klaudio Palomba bildirib.

Onun sözlərinə görə, torpaq sürüşməsi nəticəsində 1 nəfər ölüb,
10 nəfər isə itkin düşüb.

“Hazırda bir qadının öldüyü təsdiqlənib. Təxminən on nəfər itkin
düşmüş hesab olunur”, – deyə K.Palomba əlavə edib.