Ağcabədidə məcburi köçkünlərin məskunlaşdığı tikilidə yanğın olub
Bakı. Trend:
Ağcabədi şəhərində məcburi köçkünlərin məskunlaşdığı ümumi
sahəsi 150 m² olan birmərtəbəli (arakəsmə divarları taxta
konstruksiyadan ibarətdir) tikilidə ümumi sahəsi 24 m² olan otağın
yanar konstruksiyaları və ev əşyaları, bitişik ümumi sahəsi 16 m²
olan otağın arakəsmə divarı 4 m² sahədə və ev əşyaları yanıb.
Fövqəladə Hallar Nazirliyindən Trend-ə bildirilib ki, tikilinin
qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.