Parisdə polislər pensiya islahatına qarşı aksiyanı dağıdıb (VİDEO)

Bakı. Trend:

Fransanın paytaxtı Parisdə polis əməkdaşları hökumətin pensiya
islahatına qarşı etiraz aksiyasını dağıdıblar.

Trend xəbər verir ki, bu barədə hüquq-mühafizə orqanlarındakı
mənbəyə istinadən “BFM” telekanalı məlumat yayıb.

Nümayişçilərlə polislər arasında ilk toqquşmaların başlamasından
bir saat sonra polis aksiyanı dağıtmaq üçün gözyaşardıcı qazdan,
həmçinin su şırnaqlı avtomobildən istifadə edib.